Sri Lankan Pickle (Sinhala Achcharu)🍲

 කටට රසට සිංහල අච්චාරු

     අවශ්‍ය ද්‍රව්‍ය:   

 කුඩා රතුළූණු  250 g

සිහින්ව තීරු වලට කපාගත් කැරට් අල 2ක් පමණ  

අමුමිරිස් 150 g ( වෙන් නොවන ලෙස පලාගත්)

පැසුණු ගස්ලබු (කුඩා) ගෙඩි 1 ක්( පොතුහැර තීරු ලෙස කපාගත්)

විනාකිරි කෝප්ප 1/2 

අබ මේස හැඳි 2 ක් 

ගම්මිරිස්  ඇට තේ හැඳි 1ක්

ලුණු අවශ්‍ය පමණ

ඉගුරු කැබැල්ලක්

සුදුළූණු බික් 3ක්පමණ 

කහ කුඩු තේ  හැඳි 1/2

 

සාදන ක්‍රමය:

 ඉඟුරු , සුදු ළූණු, අබ, කහ, ගම්මිරිස්, ලුණු ආදී සියල්ල හොඳින් අඹරා ගන්න. ඉන්පසු වතුර භාජනයක් ලිප තබා රත්වී ගෙන එන විට එයට ශුද්ද කරගත් රතුලුණු ,අමුමිරිස් ,කැරට්, ගස් ලබු ආදිය වෙන් වෙන් වශයෙන් එක්කර විනාඩියක් පමණ තම්බා වතුර බේරෙන ලෙස පසෙකින් තබන්න.

            ඉන්පසු මැටි භාජනයක් ගෙන කලින් අඹරාගත් ඉඟුරු, සුදුළුණු ,අබ මිශ්‍රණය එයට දමා විනාකිරි කෝප්ප 1/2 ද එයට එක්කර හොඳින් මිශ්‍ර කරන්න. එයට කපාගත් කැරට්, අමු මිරිස්, ගස්ලබු එක්කර හොඳින් කලවම් කර භාජනයේ කට වසා තබන්න. තමාගේ රුචිකත්වය අනුව මෙයට සීනි මේස හැඳි 1/2 ක්, කුඩාවට කපාගත් අන්නාසි කැබලි කෝප්පයක් පමණ එක් කර ගැනීමෙන් අච්චාරුව වඩාත් රසවත් කරගත හැකි අතර රතුලුනු ,අමු මිරිස්, කැරට්, ගස්ලබු මද වශයෙන් තම්බා ඇති බැවින් ඒ මොහොතේම වුවද ආහාරයට ගත හැක.